Секој петти вработен во Србија работи од дома

Истражување за влијанието на пандемијата врз начинот на којшто функционираат компаниите во Србија, како и на внатрешната и надворешната трговска размена, покажува дека 23% од вработените во малите и средни компании, како и 17% од вработените во големи компании работат од дома, пренесе телевизијата Нова.рс

Анализа на одговорите на повеќе од 300 анкетирани компании во Србија покажал дека практично секој петти вработен и понатаму работи од дома, но дали до крајот на годината ќе се врати во канцеларија или погон зависи само од епидемиолошката ситуација, вели Драгољуб Рајиќ, консултант од Србија.

Резултатите од истражувањето покажуваат дека за две третини од работниците места во помалите фирми и над 70% од позициите во големите компании едноставно не може да организираат работа од дома.

Кога се работи за оние кои мора да бидат физички присутни на работните места, тоа се компании од секторот производство, дистрибуција и логистика, директна продажба, како и оние кои пружаат услуги што подразбираат физички контакт со купувачите, додава Рајиќ.

Од друга страна, не сметајќи го ИТ секторот којшто инаку не е “физички“ врзан за деловен простор, има доста од оние кои своите работи ги извршуваат од сопствениот дом, како што се вработени во маркетинг, комерцијални и кадровски служби, како и административно – финансиски дејности.