„Дон дон“ оствари 35 милиони евра приходи

Во 2019 година компанијата „Дон дон“ оствари приходи во висина од вкупно 35 милиони евра, а износот на консолидираните приходи изнесува 108 милиони евра, што е за 13% повеќе од 2018 година.

Големиот пораст на приходите е резултат на претходните вложувања во производствените капацитети и ширење на продажната мрежа, а во план е и понатамошен пораст годинава.

Минатата година беше година на големи инвестиции во Словенија и во регионот. Во 2019 година во Словенија е завршен погонот за производство на крофни, а во Србија автоматизираната линија за сомуни.

Минатата година, покрај споменатите инвестиции, инвестиравме во купување нови пекарници во Заечар, Кралево и Нови Сад. Целокупната вредност на инвестициите во 2019 година изнесуваше околу 12 милиони евра, соопштија од компанијата.

За 2020 година се планирани вложувања во дополнителни капацитети, а вкупните вложувања треба да достигнат околу 15 милиони евра.