ДИС отвори два маркета во Параќин

На почетокот од месецов, ДИС отвори два нови маркета во Параќин, со што го продолжува проширувањето на малопродажната мрежа.

Двата маркета се на површина од 300 м², со модерен изглед и современо опремени. Првиот, кој беше отворен на 1 август, се наоѓа на зелениот пазар, односно на улицата Вожда Караѓорѓа, бр. 10, а вториот, отворен на 5 август, е карши автобуската станица, на улицата Тома Живановиќ, бр. 43.

Во двата маркета асортиманот е приспособен на потребите на потрошувачите. Продавниците се опремени со оддели за свежо овошје и зеленчук, како и со месарници со свежо месо. На полиците може да се најде сè што еден модерен концепт на малопродаен објект може да понуди, соопштува трговецот.

И во двата маркета потрошувачите може да се услужуваат на две наплатни каси, а како што објаснуваат од ДИС, бројот на вработените е соодветен на квадратурата и на потребите на маркетите. Трговецот открива дека е во постојана потрага по нови локации, во согласност со стратешката цел – проширување на продажната мрежа. Бараме локации со површина поголема од 250 м², во места со повеќе од 5.000 жители, порачуваат од компанијата.