БиХ: „Бинго“ влегува на пазарот на големо со нафтени деривати

Најголемиот трговец на мало во Босна и Херцеговина, „Бинго“, сериозно влегува во нафтениот бизнис, пишува Indikator.ba.

Откако во октомври минатата година отвори бензинска пумпа во близина на седиштето во Тузла, компанијата одлучи да влезе на пазарот на големо со нафтени деривати.

Регулаторната комисија за енергетика во Федерацијата Босна и Херцеговина (ФЕРК) вдонесе предлог-дозвола за работа за трговија на големо со нафтени деривати за компанијата „Бинго петрол“.

„Бинго“, кој е најпознат по својот синџир на продавници, моментално има 224, сè повеќе го диверзифицира своето портфолио. Групацијата поседува дваесетина компании, од кои десет се производствени, а меѓу производните активности се живинарската индустрија, производството на хигиенска хартија, текстилната индустрија, рударството, производството на пиво и безалкохолни пијалаци и други. Групацијата има повеќе од 9.000 вработени.