Сертификат за компаниите - „Фер со потрошувачите“

Придобивките од добивањето на сертификатот за компаниите се: подобрување на односот производител-потрошувач, зголемување на довербата меѓу двете страни и поголема конкурентност на компаниите на домашниот и на странскиот пазар. 

 

Потрошувачите кога ќе видат знак „Фер со потрошувачот" истакнато во просториите или производите на некоја компанија можат да бидат сигурни дека таа компанија ќе се грижи да ги заштити нивните права доколку настане проблем  било со користење на производот или услугата. Ќе биде сигурен дека ќе има постапка за спогодбено решавање, за да се задоволи интересот на двете страни, изјави Александар Николов, од асоцијацијацијата „Зенит".

 

Тој ги објасни шесте области во кои се најчести поплаките на потрошувачите, а тоа се: информирање на потрошувачите за производите и услугите, дали се фер договорите што ги склучуваат потрошувачите со производителите, ги регулира гаранцијата, сервисирањето и техничката поддршка и едукацијата на потрошувачите. Најголемиот број поплаки до Организацијата на потрошувачите на Македонија се однесуваат на гаранцијата на производот и сервисните услуги, проблем е заведувачкото рекламирање на компаниите кои создаваат погрешна слика за производот и услугите како и неисполнетите ветувања на туристичките агенции.

 

Секоја од сертифицираните компании ќе добие и софтвер за управување со поплаки од страна на потрошувачите и бесплатен план за подобрување на односот кон потрошувачите.

 

Оние компании кои имаат фер трговска практика ќе имаат теренски верификатор кој што ќе ги анализира компаниите и доколку некои критериуми се исполнети околу 50% до 60% тогаш таа компанија ќе се сертифицира, објасни Мартина Билјароска, од граѓанската организација АГТИС. 

 

Првите 46 компании од Македонија бесплатно ќе се стекнат со овој сертификат, а во иднина тој ќе се наплаќа.