Delamaris повторно на македонскиот пазар

Почнувајќи од април 2025 година, потпишан е договор меѓу „Пивка Деламарис груп“ и „Колид С тим“ за дистрибуција на производите на оваа позната компанија на македонскиот пазар. Како што најавија од компанијата, очекуваат брендот Delamaris да биде достапен на македонскиот пазар во најголем број малопродажни места.

Delamaris развива и произведува сопствени рибни производи и е присутен на повеќе од 28 земји и региони ширум светот.

Приказната на брендот почнува во 1879 година, во мала фабрика за преработка и конзервирање риба на Јадранското Море. Денес, Delamaris е дел од групацијата „Јета Емона“, која вработува над 1.000 луѓе и остварува годишен обрт од над 185 милиони евра.

На македонскиот пазар, по повеќе од 3 децении, брендот повторно се враќа кај своите потрошувачи.

Почнувајќи од април 2025 година, потпишан е договор за дистрибуција на производите на македонскиот пазар со дистрибутерот „Колид С тим“. Верувам дека со потпишување на овој договор, брендот Delamaris ќе биде достапен во најголем број малопродажни места и македонските потрошувачи повторно ќе имаат можност да се потсетат на премиум рибните конзерви од минатото, а најмладите генерации допрва ќе бидат запознаени со квалитетите на овој бренд, истакнува Стефан Шишовски, менаџер за развој на бизнисот со брендовите на „Пивка & Деламарис“ на пазарите во Македонија и Косово.