„Алди“ го намалува асортиманот на непрехранбени производи

„Алди“ во своите продавници во Швајцарија воведува значителни прилагодувања. Дисконтерот ја намалува површината за промоција на непрехранбени производи поради намалената побарувачка. Во замена за тоа, „Алди“ одвојува повеќе простор за свежи производи, регионални специјалитети и органска храна. Новиот концепт има за цел да ја зајакне вредносната понуда на „Алди“ во однос на  водечкиот пазарен дуопол  на супермаркети „Мигорс“ и „Кооп“.

Пишува: Себастијан Ренак, меѓународен ритејл аналитичар

„Алди“ во Швајцарија го реорганизира својот асортиман за да се фокусира повеќе на амбиентална и свежа храна. Веќе неколку години забележуваме намалена побарувачка за непрехранбени производи. Затоа, ја намаливме нашата палета на промотивни производи во корист на нашата основна дејност, односно во продажбата на храна, рече Џером Мајер, директор на „Алди  Швајцарија“ во соопштението за медиумите.

Според податоците на „Гфк Маркет монитор“   швајцарскиот малопродажен сектор забележал благ раст од 0,9% во 2023 година. Категориите на храна и слични производи пораснаа за 3,3%, додека побарувачката за непрехранбени производи е намалена за 2,5%.  Согласно со наодите на истражувачите, „Алди“ како причини за промената на концептот ги наведува намалената побарувачка за непрехранбени промотивни производи и преминот од офлајн кон онлајн купување на тие производи. Во вториот квартал од тековната година негативната динамика за непрехранбените производи се зголеми на -4%, во однос на лани.

„Алди“ го користи ослободениот простор за да го прошири својот асортиман на храна. Подрачјата како Азија, Мексико, Балканот и Иберија добија постојано место. Посебно внимание ќе се посвети на свежата храна, како овошје и зеленчук, регионални специјалитети и органски производи. Проширен е и делот за замрзната храна.

Со цел да се натпреварува со големите домашни супермаркети „Мигрос“  и „Кооп“, „Алди“  планира да ги прошири своите извори на својот органски бренд retour aux (назад кон корените) на повеќе од сегашните 60 производи. Приватната марка воведена во 2022 година исполнува повисоки стандарди за квалитет од упатствата на ЕУ за органските или „Био суисе“ насоки. Дополнително, регионалниот бренд на „Алди“, Saveurs Suisses (Вкусовите на Швајцарија) веќе вклучува повеќе од 100 производи, а опсегот е тројно зголемен од неговото лансирање пред две години. На почетокот на годината, „Алди Швајцарија“ „покрена офанзива“ на свежата храна и најави зголемување за 25% во својата палета на овошје и зеленчук.

„Алди“ е на третото место на националното рангирање на трговците на мало во Швајцарија и мора да се бори со поголеми домашни играчи . Лидерот на пазарот „Мигрос“ оствари нето приход од 13,2 милијарди швајцарски франци (14,1 милијарди евра) со форматите на супермаркетите и 3,9 милијарди франци (4,2 милијарди евра) со попустот „Деннер“. Вториот најголем трговец на храна, „Кооп“, генерирал 11,8 милијарди швајцарски франци (12,6 милијарди евра) со своите супермаркети. Нето приходот на „Алди“ за претходната година се проценува на близу 2,5 милијарди франци (2,7 милијарди евра).

Себастијан Ренак е основач на „Алетос ритеил адвајсори“, меѓународен аналитичар и поранешен меѓународен дописник на Lebensmittel Zeitung (LZ), водечки економски неделник за FMCG–секторот.  Има големо практично искуство во индустријата како поранешен член на оперативните тимови на „Шварц груп“ и „Метро груп“ во Полска, Украина и Русија.