Русите масовно купуваат ѓумбир

Трговците во Русија забележуваат зголемена побарувачка за ѓумбир, како резултат на пандемијата на вирусот корона, соопштија претставници на групацијата „X5 ритеил“.

Зголемената потрошувачка се должи на верувањето на руските потрошувачи дека овој суперзачин го зголемува имунитетот, па се надеваат и дека ќе ги спаси од вирусот корона.

Бележиме зголемена побарувачка за ѓумбир, бидејќи потрошувачите во желбата да се заштитат од инфекција, го зајакнуваат нивниот имунолошки систем, истакна портпаролот на „X5 ритеил“.

Претставниците на трговската групација велат дека компанијата се обидува да го договори увозот на ѓумбир од нови земји, затоа што епидемиолошката состојба е неповолна во земјите од каде што се увезува.