Затворена најголемата светска фабрика за производство на Nutella

Најголемата светска фабрика за производство на познатиот намаз од лешници, Nutella, привремено е затворена поради проблеми со квалитетот на производот, пренесе Euronews.

Станува збор за фабрика во северна Франција, која дневно произведуваше по 600.000 тегли Nutella.

Инспектори ја истражуваат причината за проблемот.

Од италијанската компанија „Фереро“, сопственик на брендот Nutella, соопштија дека пакувањата од намазот кои веќе се во транспорт не се засегнати од проблемот, така што залихи на Nutella има доволно.