„Кока-кола“ влегува во сегментот енергетски пијалаци

Како дел од бизнис-стратегијата за диверзификација, „Кока-кола“ го пренасочува вниманието кон пазарот за енергетски пијалаци со два нови производа што се подготвени за лансирање: Coca-Cola Energy и Coca-Cola Energy без шеќер.

Новите пијалаци содржат кофеин од природен екстракт на гуарана и се појавуваат како одговор на потребите на денешните потрошувачи.

Ова планирано лансирање на енергетски пијалаци за компанијата „Кока-кола“ може да значи кршење на договорот од 2015 година со партнерската компанија „Манстер бевериџ“. Имено, пред три години „Кока-кола“ презеде удел од речиси 17% од производителот на енергетските пијалаци Monster.