Британската влада забранува продажба на енергетски пијалаци за малолетници

Продажбата на енергетски пијалаци на лица помлади од 18 години би можела да биде забранета во Велика Британија поради стравувањата дека се штетни за здравјето на децата.

Тамошната Влада одлучи да покрене јавна расправа за својот план да ја забрани продажбата на енергетски пијалоци за малолетници, пренесе „Би-би-си“.

Енергетските пијалаци содржат големо количество шеќери и кофеин кои се потенцијални предизвикувачи на здравствени проблеми. Шкотска, Северна Ирска и Велс имаат дозвола да воведат сопствени правила за ова прашање.

Истражувањата покажале дека младите во Велика Британија се меѓу најчестите потрошувачи на енергетски пијалаци во Европа. Нивната претерана консумација е поврзана со болест на забите, главоболки, проблеми со спиењето, болки во стомакот и хиперактивност.

Илјадници млади редовно појат енергетски пијалаци, често затоа што тие се поевтини од другите и затоа ќе се советуваме за забрана да се продаваат на деца. Нашите деца веќе консумираат 50 отсто повеќе такви пијалаци од другите деца во Европа, а наставниците предупредуваат и на загрижувачка врска на овие пијалаци со лошото однесување во училиште, изјави Меј.

Забраната би се однесувала на производи што содржат 150 и повеќе милиграми кофеин на литар пијалок.