„Биедронка“ свечено ја отвори својата прва продавница во Словачка

Полскиот трговски синџир „Биедронка“,  кој е дел од групацијата „Џеронимо Мартинс“, официјално влезе на словачкиот пазар со отворањето на својата прва продавница во Милослав во близина на Братислава.

Веруваме дека можеме да донесеме позитивни промени во Словачка и тесно ќе соработуваме со словачките добавувачи за да ја изградиме најдобрата можна понуда по најниски цени за словачките потрошувачи и семејствата, изјави Педро Соарес Дос Сантос, претседател на групацијата „Џеронимо Мартинс“.

Продавницата, која се простира на површина од 876 метри квадратни, на потрошувачите им нуди околу 3.400 производи, со посебен фокус на свежата храна во соработка со локалните добавувачи.

Наш приоритет е на словачките потрошувачи да им понудиме свежа храна со највисок квалитет по најниски цени. Од самиот почеток, се фокусиравме на соработка со локални добавувачи, со кои развивме неколку брендови на приватни трговски марки кои нагласуваат квалитет, свежина и одржливост. Овие вредности, заедно со искреноста и транспарентноста, се клучни фактори за долгорочниот раст на „Биедронка“ во Словачка, изјави Мациеј Луковски, извршен директор на „Биедронка“ - Словачка.

Што се однесува до ентериерот, продавницата има ЛЕД осветлување, електронски цени, шест каси за самопослужување и три традиционални фискални каси, како и машина за враќање на амбалажата. Дополнително, потрошувачите имаат пристап до паркинг со 61 место, како и станица за полнење на електрични возила. Друг одржлив елемент на продавницата се соларните панели на покривот на самата продавница. Компанијата најави отворање продавници и во други градови низ Словачка.

Извор: Instore.rs

Фото: „Биедронка“