Јапонија: Владата ќе пушти на пазарот ориз од државните резерви за да ја стабилизира цената

Јапонската влада сака да го покрие пазарот со големи количини на ориз од државните резерви за ги стабилизира цените на овој производ на пазарот, соопшти министерот за земјоделство Таку Ето.

Оризот ќе им биде понуден на трговците преку аукција кон средината на март, а се очекува тој да биде достапен во продавниците на крајот на следниот месец до почетокот на април.

 Министерот нагласи дека зголемените цени на оризот се неверојатни и изрази надеж дека овие количини на ориз кои ќе бидат пуштени на пазарот ќе придонесат за стабилизација.

 Оризот што ќе се пушти на пазарот во најголем дел е од минатогодишната реколта, додека помал дел доаѓа од 2023 година.

Иако жетвата на ориз во 2024 година беше зголемена на 6,79 милиони тони, количината испорачана од дистрибутерите до крајот на декември беше за 210.000 тони помалку.

Од ресорното министерство се сомневаат дека трговците и земјоделците го чуваат оризот  бидејќи очекуваат дополнително поскапување.

Извор: Nezavisne

Фото: Pexels