Холандија: „Ахолд Делез“ ја засилува продажбата на производите од растително потекло

Групацијата „Ахолд Делез“  постави цел до 20230 година,  50% од својата продажба да доаѓа од производи од растително потекло како дел од пошироката заложба за одржливост и намалување на емисиите на CO2.

Имено, околу 95% од емисиите на групацијата се генерираат во нејзиниот синџир на вредност, вклучувајќи го и јаглеродниот отпечаток на сите производи што се продаваат во продавниците на групацијата.

Највисоки емисии се создаваат од производи кои содржат животински протеини поради користење на земјиштето, добиточна храна и преработка, поради што групацијата планира да го „ребалансира“ уделот на протеините и да промовира развој на животински производи со помали емисии на јаглерод диоксид.

Некои од чекорите на групацијата кон исполнување на оваа цел вклучуваат промовирање на производи од растително потекло, соработка со фармерите за намалување на емисиите од производството на животински протеини, охрабрување на купување алтернативи базирани на растенија преку програми за лојалност и инвестирање во едукација на купувачите за придобивките од одржливото исхрана.

Посветени сме на инспирирањето за поздрав и поодржлив начин на живот, фокусирајќи се на она што навистина е важно за купувачите. Иако ја поддржуваме промената кон повеќе протеини од растително потекло, ние исто така тесно соработуваме со нашите производители и добавувачи на животински протеини за да помогнеме во намалувањето на влијанието на нивните производи врз животната средина. Нашата цел е да им служиме на сите купувачи и да ги почитуваме нивните различни преференци за храна, истовремено охрабрувајќи ги почесто да ги истражуваат опциите за протеини од растително потекло. Дури и малите промени во навиките за купување на милиони купувачи секоја недела можат колективно да имаат позитивно влијание врз здравјето на луѓето и на планетата, изјави Клод Сараил, извршен директор на групацијата „Ахолд Делез“ за Европа и Индонезија.

Извор: InStore.rs

Фото: „Ахолд Делез“