„Дијаџио“ размислува за продажба на брендот Guinness

„Блумберг“ објави дека компанијата „Дијаџио“ размислува за продажба на познатиот брендот Guinness или за понуда на акции на берза за овој познат бренд на пиво.

Продажбата или одвојувањето на брендот се меѓу опциите што компанијата ги разгледува како дел од планот за зголемување на нејзиниот капитал, пренесува „Мина“.

Брендот Guinness  е проценет на десет милијарди долари или 9,5 милијарди евра. Ова пиво стана особено популарно меѓу членовите на таканаречената генерација Z, родени на крајот на минатиот век и почетокот на  овој век.

Имаше голема побарувачка за  Guinness за време на божиќните празници, што доведе дури и до недостиг на пиво. Споменатите шпекулации за продажбата доведоа до зголемување на акциите на компанијата за четири проценти на тргувањето на лондонската берза и го ставија „Дијаџио“ на врвот на индексот ФТСЕ 100.

Производството на ова пиво го започнал во 1759 година Артур Гинис во Даблин и денес е еден од најпознатите ирски производи, со продажба од неколку милиони пинови дневно ширум светот.

Извор:biznis.rs

Фото: Pexels