Пораст на платите во еврозоната

Според податоците на „Евростат“  во третиот квартал од оваа година платите во еврозоната се зголемени за 4,4 отсто на годишно ниво, забавувајќи се во однос на растот од 4,9 отсто во вториот квартал,.

Вкупните трошоци за работна сила на час во еврозоната, вклучително и компонентите што не се на плата, се зголемија за 4,6 отсто на годишно ниво во третиот квартал, објави „Евростат“

Споредено според секторите, платите во индустријата се зголемени за 4,4 отсто на годишно ниво, во градежништвото за 4,6 отсто и во услугите за 4,3 отсто, но во сите споменати случаи годишниот раст е побавен отколку во вториот квартал.

Во Германија платите се зголемени за четири отсто на годишно ниво, забавувајќи се од 5,7 отсто во вториот квартал, како и приходите во Франција за 2,7 отсто, во споредба со 3,3 отсто во претходниот квартал

За разлика од нив, побрз раст на платите е регистриран во Шпанија за 4,7 од 3,9 отсто во вториот кварватал и  во Италија за 5,2 отсто во однос на 4,2 отсто во вториот квартал.

Извор: Тв 21

Фото: Pexels