Шпанија: „Лидл“ ја намалува пластиката во амбалажата за риби

Компанијата „Лидл“ ги најави плановите за лансирање на садови за продажба на риба во рамките на својот асортиман од приватните трговски марки, кои ќе бидат изработени од 80% рециклирана пластика ( rPET).

Употребата на садови направени главно од рециклирана пластика не само што помага да се намали отпадот, туку и се спречува овие материјали да завршат во животната средина, велат од компанијата.

Компанијата проценува дека со овој потег ќе избегне производство на 2.116 тони  пластика годишно.

Оваа иницијатива е дел од глобалната стратегија за одржливост на „Лидл“, „РЕСет пластик“која се спроведува од 2017 година. Како дел од стратегијата, компанијата е посветена да обезбеди до 2025 година 100% од нејзината амбалажа да се рециклира и дека 25% од пластиката што се користи во целата палета на производи ќе се рециклира.

Во  „Лидл“,сме посветени на оптимизирање на нашето пакување, постојано барајќи одржливи алтернативи кои го зачувуваат квалитетот и безбедноста на нашите производи, рече Михаела Рајшл, директор за корпоративна општествена одговорност во „Лидл“.

 Во последните седум години, компанијата ја намали употребата на пластика во своите корпи за 30%, а исто така беше еден од првите трговски синџири кои ги елиминираа пластичните кеси за пазарење во своите продавници. Покрај тоа, дисконтот лансираше и 100% rPET пакување за водата од приватната трговска марка, заштедувајќи 185 тони чиста пластика годишно.

Извор: InStore.rs

Фото: „Лидл“