Франција: Продажбата на шампањ бележи драстичен пад

 Во првата половина на годината продажбата на шампањ е во драстичен пад, бидејќи граѓаните трошеа помалку, а трговците складираа залихи, велат производителите, наложувајќи им на лозарите да собираат помалку грозје што се користи за овој вид вино.

На глобално ниво, производителите продале 106,7 милиони шишиња шампањ во периодот од јануари до јуни, што е за 15,2 отсто помалку од минатата година.

Тешката глобална геополитичка и економска ситуација, како и инфлацијата, ја отежнаа личната потрошувачка, изјави Давид Чатилон, претседател на „Шампањ хаусес“ во соопштението кое го објави Здружението на производители „Комите шампањ“.

Продаваат, како што додаде, акции и залихи кои трговците ги акумулирале во 2021 и 2022 година.

Овогодинешната берба во Шампањ беше оштетена од лошите временски услови, вклучувајќи мраз и влага, кои доведоа до развој на мувла, велат од здружението.

Затоа производителите одредиле максимален принос на грозје од десет илјади килограми по хектар, што е за 12,3 отсто помал од лани.

Шампањот, за разлика од другите вина, најчесто е комбинација од неколку берби. Залихите се обновуваат во добри години и може да се компензира за послаба жетва.

Мразот и мувлата ја оштетија и бербата во 2021 година, кога приносот беше за 25 отсто помал од петгодишниот просек и најмалку грозје собрано во последните 35 години.

Извор: Biznis.rs

Фото: Pexels