Пад производството на пиво во светот

Глобалното производство на пиво минатата година има пад за 1,7 милијарди литри, на 188 милијарди, или за нешто помалку од процентен поен, објави нирнбершкиот трговец со хмељ „Бартхас“.

Германија како производител на пиво останува на петтото место, иако производството е намалено за 3,3 отсто, или на 8,5 милијарди литри.

Кина останува број еден светски производител на пиво со 35,9 милијарди литри пиво пред САД со 29,3, Бразил со 14,9 и Мексико со 14,2 милијарди литри.

Од „Бархас“ наведуваат дека предвидувањата се неверодостојни и дека покрај воениот судир во Украина, потрошувачите во многу држави се уште под влијание на големата инфлација.

Во секој случај, хмељ има доволно, односно нема да има недостиг во блиска иднина. Приносот во Германија беше подарежлив од претходната година, со 118.415 тони, односно 11,5 отсто повеќе од 2022 година.

Слично е и во светот, па се појави глобален вишок. Нирнбершката група им предлага на земјоделците во светот да ја намалат површината под ова растение.

Тоа веќе се случи минатата година, со најголемо намалување во САД.

Но, не се очекува дека вишокот на хмељ ќе влијае на цената на пивото, бидејќи самиот комбинат нема големо учество во структурата на цените.

Извор: dpa

Фото: Pexels