„Хенкел“ го продаде бизнисот во Русија

„Хенкел“ на 20 април го заклучи договорот за продажба на своето работење во Русија за 54 милијарди рубљи (околу 600 милиони евра), соопштија од компанијата. 

Купувач е конзорциум на локални инвеститори, што ги вклучува „Аугмент инвестментс“, „Кисмет капитал груп“ и „Елбрус сервицес“. 

Неодамна финансискиот директор на „Хенкел“, Марко Свобода објави дека „Хенкел“ како една од клаузулите во договорот за продажба на работењето ја вклучил и можноста за откуп на имотот, по што компанијата објави дека, во контекст на ситуацијата во Украина, одлучила да го напушто работењето во Русија. Истовремено, најави дека 2.500 вработени на таа локација ќе продолжат со работа додека се подготвува заминувањето од државата. 

„Хенкел“ произведуваше детергенти, козметика и производи за лична нега во 11 фабрики во Русија. 

Извор: Retail.ru
Фото: Henkel