Kамери препознаваат колку години имаат купувачите на алкохол

Продавници во Велика Британија почнаа да тестираат автоматски системи кои се состојат од камери со софтвер кој препознава приближно колку години има купувачот кој купува алкохол.

Софтверот е тестиран на над 125.000 луѓе на возраст од 6 до 60 години и во просек годините ги промашува за 2,2, односно само 1,5 кога се во прашање младите на возраст од 16 до 20 години.

При користењето на камерите купувачите мора да дадат согласност. Потоа камерата го скенира лицето и ако смета дека е постаро од 25 години, ќе може да продолжи да ги скенира артиклите.