„Континент“ доби меѓународен сертификат за јагнешко месо

„Континент“ стана првиот голем синџир на прехранбени производи во Португалија кој го сертифицираше целиот асортиман на јагнешко месо од национално потекло. 

Повеќе од 2.000 локални производители на јагнешко месо кои соработуваа со „Континент“, добија меѓународен сертификат за добросостојба на животните, во целиот синџир на производство, според меѓународни протоколи за квалитет. Процесот на сертификација се темели на 12 параметри кои се проценуваат, како што се храната, сместувањето, здравјето и слободата на животните. 

Најновата иницијатива е дел од стратегијата на сопственикот на „Континент“, малопродажната групација „Сонае МЦ“, да промовира одржливи практики кои гарантираат квалитет на храната и почитување на животната средина во целиот процес на производство од фарма до трпеза.