Потврден датумот на годинашниот саем на ПЛМА

ПЛМА потврди дека меѓународниот трговски саем „World of Private Label“ (Светот на приватните трговски марки), кој првично беше закажан за мај, ќе се одржи на 14 и 15 декември во центарот РАИ во Амстердам.

Многу сме возбудени што го враќаме одржувањето на саемот во физички простор во 2021 година, дури иако е подоцна од првично планираното, истакна Пеги Дејвис, претседателка на ПЛМА.

Според организаторот, годинашниот саем ќе биде во согласност со сите прописи и протоколи поврзани со Ковид-19: широки патеки, средства за дезинфекција на пултовите, специјални димензии на пултовите за да се почитува дистанцата и сл.

Саемот ќе биде приспособен на новите правила, условени од физичката дистанца, додава Дејвис.

На саемот во 2019 година изложуваа 2.700 компании од 70 земји, а присуствуваа 15.000 посетители од 120 земји. Поради пандемијата на Ковид-19, минатогодишниот саем се одржа онлајн од 1 до 4 декември.