„Унилевер“ ја заврши 2020 со добивка од 5,6 милијарди евра

Британскиот производител на средства за домаќинство, „Унилевер“, забележа нето добивка од 5,6 милијарди евра во 2020 година, што е за 0,8 отсто помалку во споредба со годината претходно. 

Во соопштението до медиумите се истакнува дека пандемијата влијаела на работењето, но и се истакнува отпорноста што компанијата ја покажува во тешки деловни услови. 

„Унилевер“ (кој меѓудругото ги произведува сладоледите Magnum и сапуните Dove), лани забележа поголема побарувачка на средствата за миење раце и за чистење домаќинство. Од друга страна, опадна продажбата на козметика.