„Франк“ го продаде уделот во „Адриа снек“

 

Причината за продажба е кризата во која се најде „Франк" поради работењето на „Агрокор".

 

Парите од продажбата на уделот, „Франк" ќе ги искористи за израмнување на долгот кон Стопанската банка на Загреб, а во план е и решавање на обврските кон другите банки.

 

За фабриката која произведува чипс и која работи од 1977 година, „Франк" доби 12 милиони евра и според најавите, ќе го продолжи своето работење во рамките на компанијата „Интерснек".

 

Да потсетиме, „Адриа снек" е претпријатие формирано од „Франк" и „Интерснек", со седиште во Загреб, кое почна со работа во октомври, 2015 година. Во 2017 година приходите на „Адриа снек" изнесуваа 131 милиони куни (17,7 милиони евра), а профитот - 2,39 милиони куни (322,800 евра). До крајот на минатата година, во фабриката беа вработени 85 луѓе.