Црна Гора: Започна изградбата на трговскиот центар „Воли“

Во Подгорица кај поранешната фабрика „Радоје Дакиќ“ започна изградбата на трговскиот центар и на новата управна зграда на компанијата „Воли“, пренесува „Банкар.ме“.  

Изградбата е во фаза на подготовка на теренот и поставување на темели, а на парцелите УП 22 и УП 23, кои се со вкупна површина од околу 22.000 квадратни метри веќе се формираат контурите на идните објекти.

Модерната деловно – трговска зона е замислена како простор со современи архитектонски решенија и високи еколошки стандарди.

Локацијата е на просторот на поранешната фабрика „Радоје Дакиќ“ во непосредна близина на централните градски сообраќајници, што дополнително ќе придонесе во достапноста и атрактивноста на просторот.

Извор: bankar.me

Фото: