Хрватска: „Раденска Адриатик“ успешно го заврши проектот за пошумување

Со пошумувањето на околината на Вуковар успешно е завршен проектот „Добрите работи паѓаат од небо“, кој го спроведуваат „Раденска Адриатик“ и Проект О2.

За потсетување, во рамки на проектот започнат на почетокот на септември, компанијата ги покани потрошувачите да активираат бесплатен купон со одговор на прашање за биодиверзитетот, врз основа на кој „Раденска Адриатик“ ќе засади дрвца на еден квадратен метар во областа вуковарско Подунавље. Активирани се вкупно 12.822 купони, благодарение на кои во рамки на проектот годинава беа пошумени 10.000 метри квадратни.

Пошумувањето беше извршено со помош на беспилотни летала и специјално подготвени „семенски бомби“ кои можат да се искористат за пошумување на големи површини за краток временски период, со што ќе се поттикне пошумувањето. Дополнително, беше организирано и рачно засадување при што беа засадени сто садници од даб, а на вработените им се придружија и децата од здружението „Вуковарски пеперутки“ и ОУ „Блага Задра“.

Ми претставува големо задоволство денес да ги видам плодовите од нашата кампања, односно беспилотните летала во пошумувањето на вуковарското Подунавље. Благодарност до сите кои се приклучија на садењето и до нашите партнери и компании кои го поддржаа Проектот О2, изјави Ивана Фочиќ, виш бренд менаџер на брендот Radenska.

 Од компанијата нагласуваат дека е исполнета годинешната цел за пошумување, како и дека за следната година се планирани најмалку 2.822 метри квадратни.

Кампањата е дел од пошироката платформа на Radenska „Срце за утре“, чија цел е да се пошумува што поголем дел од областа вуковарско Подунавље. Освен во Хрватска, кампањата е започната и во Словенија, каде што ќе се пошумува областа на Карстот, кој беше уништен од големите пожари во јули годинава.

Кампањата имаше и B2B аспект, мотивирајќи шест компании од Хрватска да се приклучат на идните напори за пошумување: Јавната установа „Камењак“, „Асканиус Медиа“, „Еки“, „Структ дизајн“,  „Го2Дигитал“ и „Старапарат“.  

Извор: InStore.rs

Фото: „Раденска Адриатик“