„Конзум“ во акција „Најубав Божик е кога даруваме заедно“

Во рамки на кампањата  „Најубав Божик е кога даруваме заедно“, „Конзум“ ќе донира 200.000 куни на десет граѓански организации, а на донацијата можат да се придружат и сите купувачи на „Конзум“.  

Од 1 до 31 декември членовите на „Мултиплус“ картичката на „Конзум“ ќе можат преку истоимената апликација или интернет -страницата multipluscard.hr да донираат свои бонус средства. . 

Донацијата од 200.000 куни „Конзум“ ќе ја распредели на десет хрватски организации кои работат со деца и со нивните семејства, постари и немоќни лица и животни на улица: здружението „Бреза“, кое им дава поддршка на деца и млади без родителска грижа; здружението „Аурора“ кое помага на заболени со церебрална парализа и на останати лица со инвалидитет и на уште едно здружение кое им дава поддршка на семејствата на деца со тешкотии во развојот. Оваа година донација од „Конзум“ ќе добие и Здружението за информирање, ширење и развој на социјални услуги за постари лица „СтарКа“, здружението за заштита на животните „Ноина арка“,  здружението „Вистинска шепа“ и уште неколку здруженија кои работат на подобрување на условите за живот на ранливите категории граѓани.