Кампања во БиХ: „Никој гладен. Никој сам“

Во Босна и Херцеговина се одвива кампања под наслов „Никој гладен. Никој сам“, чија главна порака гласи: „Да го намалиме уништувањето на храна – да ја донираме!“

Официјалните податоци покажуваат дека во земјата 17.000 луѓе се хранат во јавни кујни, дека има постојани барања за отворање нови јавни кујни, а бројот на корисници секојдневно расте. Од друга страна, во БиХ годишно се уништуваат 280 милиони оброци кои би можеле да бидат донирани.

Целта на кампањата, во партнерство и со компании, е да се најде системско решение за проблемот со сиромаштијата во БиХ, вклучувајќи и укинување на ДДВ-то на донираната храна.