„Нелт СТ“ донираше производи во вредност од 15.500 евра

Компанијата „Нелт СТ“ учествуваше во проектот „Одржлива мрежа за прераспределба на храна“, со донација на Nutrino производи за бебе во вредност од 15.500 евра.

Компанијата донираше вкупно 16.875 пакувања Nutrino производи, односно храна и сокови за бебиња. 

Производите ќе бидат распределени на граѓани од социјално загрозените категории кои добиваат помош преку граѓанските организации „Легис“, „Доверба“, „Љубезност“, „Свети Спас“, „Хопс“, „Утешител“ и Центарот за деца од улица во Шуто Оризари.