Забрани за товарни возила на Стража и Маврово – Дебар поради снег

Поради врнежи од снег утринава од 6:40 часот воведена е забрана за тешки товарни возила на патниот правец Маврово – Дебар, соопшти Авто мото сојузот на Македонија (АМСМ).

Забрана за тешки товарни возила е воведена и на планинскиот превој Стража од 4:20 часот.

Од АМСМ информираат дека денеска од 12 до 15 часот на патниот правец Кичево – Охрид кај селото Врбјани, поради минирање, сообраќајот ќе биде во прекин од 10 до 15 минути.