Vero Drive – нова услуга на „Веро“ маркетите за нарачка на производи

„Веро“ маркетите воведоа нова услуга Vero Drivе наменета за потрошувачите кои бараат брзи и практични решенија за да се снабдат со неопходните производи. Новата услуга на Веро овозможува онлајн нарачка на производи, при што потрошувачите самите ја подигнуваат нарачката од пункт на паркингот во „Веро центар“ во Скопје и ја плаќаат при подигнувањето.

Нарачувањето производи се врши преку следнава интернет страница, преку која потрошувачите може да се снабдат со широк асортиман производи од најразлични категории. По комплетирањето на производите што сакаат да ги купат, потрошувачите ќе добијат потврдна смс порака со број на нарачката и времето на подигнување. Производите може да се нарачаат во кое било време, а подигнувањето се одвива секој работен ден (од понеделник до петок) од 7 до 15 часот. 

Во овие специфични моменти нашиот тим постојано работи на изнаоѓање брзи и практични решенија со кои ќе се прилагодиме на барањата и потребите на нашите потрошувачи. Со нив им го олеснуваме купувањето, им нудиме брзо решение за да ги добијат нарачаните производи без да доаѓаат во контакт со други потрошувачи, соопштија од „Веро“.