Ново работно време во dm дрогериите

Продажните објекти на dm дрогериите за време на викендот во најголем дел ќе бидат отворени до 14.30 часот. Во работните денови од понеделник до петок, продажните објекти на dm, вклучително и во трговските центри во најголем дел се отворени до 19 часот.

Со цел зачувување на јавното здравје, компанијата dm drogerie markt ќе продолжи да работи исполнувајќи ги сите препорачани безбедносни стандарди кои подразбираат зголемено одржување и редовна дезинфекција на сите продажни објекти како и на централата. Покрај тоа во самите продажни објекти е укинато користењето на тестери од производите, како мерка на претпазливост повлечени се сите печатени материјали, поставени се бележници за одржување на растојание на подот, а воедно истакнати се и известувања за препораките и мерките на превенција кои се пропишани, со цел спречување на понатамошно ширење на корона вирусот, соопштија од компанијата.

Вработените во dm дрогериите носат ракавици и заштитни маски, а на сите каси се поставени заштитни прегради како додатна превентивна мерка.