Република Српска забрани увоз на еден тон месни продукти од Македонија и од Хрватска

Фитосанитарната инспекција на Република Српска во БиХ забранила увоз на еден тон месни производи од Македонија и од Хрватска бидејќи не ги задоволувале пропишаните критериуми за квалитет, објавил Инспекторатот.

Станува збор за три пратки на месни производи со чадено пилешко филе од Македонија и салами од Хрватска. По анализата било утврдено дека содржат помалку протеини отколку што било пропишано.

Анализираните месни продукти не ги задоволувале пропишаните услови и инспекцијата ги забранила, заштитувајќи ги правата на потрошувачите и домашниот пазар. Инспекторатот уште најавил дека ќе ја засили контролата и микробиолошкото испитување на примероци на месни продукти.