Од македонскиот пазар се повлекуваат производи Kinder произведени во Арлон

„Атлантик Трејд“ Скопје соопшти дека како дистрибутер на асортиманот на компанијата „Фереро“ во земјава, на барање на производителот „Фереро“, го повлекува од пазарот производство наKinder Surprise Maxi и Kinder Schokobons.

Компанијата подвлекува дека на повлекување од пазарот подлежат само оние производи кои се произведени во погонот во Арлон, Белгија.

Како што е соопштено, во контекст на тековното испитување за салмонела во соработка со органите за безбедност на храната, „Фереро“ привремено ја затвора својата фабрика во Арлон во Белгија. Со стапување во сила веднаш, се прекинува целото производство на овие брендови. 

Како одговорен дистрибутер ги преземаме сите неопходни чекори за одржување целосна доверба од купувачите и делуваме за брзо повлекување на наведените производи од пазарот. Ги замолуваме потрошувачите доколку веќе поседуваат некој од горенаведените производи, да не го конзумираат. Може да го вратат во продажното место од каде го купиле, како и да го контактираат тимот за грижа на потрошувачи на potrosacki-servis@ferrero.com, соопштија од „Атлантик Трејд“.