Вкупно 211 фирми ќе го воведуваат моделот на дуално образование

Вкупно 211 фирми ќе го воведуваат моделот на дуално образование, објави Бранко Азески, претседател на Стопанската комора. 

Од нив, 188 фирми се приватни фирми (мали, средни и големи), 23 фирми се јавни и државни претпријатија и здравствени установи и 10 се занаетчиски дуќани.

Тоа е огромен напредок, ако се знае дека претходно само 11 фирми го воведоа овој начин на образование на идните кадри. 

Зарем е можно кај нас, нештата да се имплементираат на вистински начин, без големо бранување на јавноста. Да, можно е, ако моделот е западно европски и ако тој кадар вистински е потребен на бизнисот, кој со себе ги носи карактеристиките – ненаметливост, упорност и истрајност, пишува Азески, во колумната објавена на интернет страницата на Комората.