Нова инвестиција: Шведскиот бренд Nick’s ќе отвори 150 работни места во Битола

„Ник'с Балканс“, дел од шведскиот бренд Nick’s, најави проширување на нивната браунфилд инвестиција во R&D и во нов производствен погон во Битола. Инвестицијата е во вредност од 4 милиони евра со која ќе креира  нови 150 работни места.

Истата е планирано да се реализира и почне со работа до крајот на годината, објави Агенцијата за странски инвестиции. 

„Ник'с Балканс“ е присутна во земјата со производство на здрави слатки производи од 2017 година, при што целото производство е наменето за извоз. Во постоечкиот производствен капацитет во Битола има 60 вработени. 

Nick's е светски бренд кој продава во цели свет - станува збор за слатки чоколада, сладоледи, кондиторски производи без употреба на шеќер.