Филип Петровски: Анатомија на маркетерот на иднината

На претстојниот Skopje Marketing Summit, настан наменет за сите маркетинг-професионалци, креативци и вљубеници во маркетингот, ќе зборува Филип Петровски на тема „Анатомија на маркетерот на иднината“ (data-driven вештини што треба да се совладаат).

Филип е основач и CEO на Data Masters, компанија специјализирана во областа на Data Science. Тој е магистер за информациски менаџмент, специјализиран во бизнис-интелигенција и менаџмент на знаење. Работел на големи проекти во Португалија, Бразил и во Македонија, со фокус на развој на аналитички решенија, автоматизација на тек на информации и изработка на решенија со предиктивни модели за различни области.

На онлајн-настанот кој ќе се одржи на 20 мај во организација на агенцијата „Кликер маркетинг“ и магазинот InStore, Филип ќе зборува за data-driven вештините што треба да се совладаат. Skopje Marketing Summit ќе биде бесплатен за следење. Повеќе информации погледнете на https://mk.marketing-summit.mk/.