„Алди“ со апликација во борба со фрлањето храна

Германскиот трговски синџир „Алди“ неодамна ја претстави апликацијата Too Good To Go за да влијае на намалувањето на прехранбениот отпад и фрлањето храна.

Имено, преку апликацијата трговецот ќе продава „постаро“ овошје и зеленчук по пониски цени, кое и понатаму е здраво и јадливо.

Too Good To Go станува сè попрепознатлива, а производите од апликацијата се пакуваат во посебни т.н „среќни вреќички“. Од компанијата истакнуваат дека тоа не се производи чиј рок наскоро поминува, туку и производи кои се оштетени во текот на транспортот и се проблематични по изгледот, но не и според квалитетот.

Веќе многу направивме во борбата против фрлањето храна, а нашиот персонал вложува особен напор. Со апликацијата сме уште еден чекор напред во оваа борба. Најнапред таа беше идеја која заживеа како пилот-проект во 33 продавници, а сега успешно ја спроведуваме кампањата во сите наши продавници, истакна Кетрин Милман, ЦСР менаџер во „Алди“.

На овој начин компанијата ќе заштеди повеќе од 160 тони овошје и зеленчук во првата година, известува ЕСМ (European Supermarket Magazine).