Русија сака да ги контролира цените во малопродажбата

Руската влада планира да ја ограничи трговската маржа за одредени производи што ги нарекува „социјално релевантни“.

Во нив спаѓаат основните прехранбени производи за секојдневна консумација. Освен храната, тука се вклучени и средствата за дезинфекција, средствата за чистење, производите за лична хигиена, производите за бебиња и домашни миленичиња.

Предложената легислатива предвидува профитната маржа да се ограничи на 20% од цената на големо или на 50% од продажната цена на производителот.

Сегашните закони ѝ дозволуваат на Сојузната антимонополска служба (ФАС) да постави регионален лимит на цените за основните прехранбени производи доколку се забележат зголемувања за повеќе од 30% во рок од еден месец.