„Карлсберг“ претстави ограничена серија пива во чест на „Ливерпул“

Пивскиот гигант „Карлсберг“, во чест на новиот првак на англиската лига, фудбалскиот клуб „Ливерпул“, лансираше лимитирана верзија лименки, со црвена боја.

„Црвените“, како што го нарекуваат уште овој фудбалски клуб, ја освоија титулата во Премиер лигата во Англија, првпат по 30 години. Поради тоа, „Карлсберг“ со лименката champions can го обележа посебниот момент за сите навијачи на овој фудбалски клуб.

Лимитираната серија ќе биде достапна во 25 земји во светот, вклучувајќи ги Австралија, Индија, Ирска, Малезија и САД. Производот ќе биде достапен на пазарите каде што има најголем број обожаватели на „Ливерпул“.