Виетнам го стопира извозот на ориз

Виетнам го запре извозот на ориз за да ги провери залихите и да го осигура снабдувањето на своите граѓани во време на пандемијата. 

Минатата година, извозот на ориз од Виетнам порасна 4,2 отсто, на 6,37 милиони тони, со што оваа азиска земја беше трет најголем извозник во светот, по Индија и Тајланд. 

Во првите два месеци од годинава, извозот скокна 31,7 отсто во споредба со истиот период лани, на 928.798 тони. Тамошната влада стравува дека ако извозот продолжи со ова темпо, ќе се појави недостиг на ориз за сопственото население. 

Виетнам досега забележа 134 случаи на заболени со коронавирус, без смртни случаи. Повеќе од 1.500 граѓани се под надзор во карантин.