ЕУ забрани овошје третирано со хлорпирифос

По тримесечен преоден период, секое увезено овошје што содржи и најмало количество од пестицидот хлорпирифос ќе биде забрането за продажба во целата Европска Унија.

Земјите-членки на ЕУ се договорија да забранат увоз на овошје што содржи траги од пестицидот, кој е штетен за здравјето на луѓето. Одлуката е донесена со мнозинство гласови и по тримесечниот преоден период ќе следува забрана на хлорпирифос во цела ЕУ.

Европскиот регулатор за безбедност на храната во август минатата година утврди загриженост поради можниот генотоксичен ефект, како и невролошкиот ефект во текот на развојот на децата.

Хлорпирифосот го користат земјоделците за да ги спречат инсектите да го оштетат плодот.