„Кока-кола“ откупи 100% од акциите на „Ферлајф“

Компанијата „Кока-кола“ објави дека ги откупи сите акции на производителот на млеко „Ферлајф“ од Чикаго.

Деталите за купувањето се непознати, а „Нилсен рисрч“ неодамна објави дека годишниот приход од продажба на „Ферлајф“ веќе надминува 500 милиони долари. Пред купувањето на остатокот од пакетот акции, „Кока-кола“ беше сопственик на 42,5% од акциите во оваа компанија.

„Ферлајф“ почна со работа во 2012 година, со фокус на високопротеинските млечни производи. Од „Кока-кола“ соопштуваат дека брендот Fa!rlife ќе продолжи самостојно да работи.