Обединето Кралство: Супермаркетите на „Морисонс“ отворија посебни каси за мајки

Во четвртата недела од велигденските пости во Обединетото Кралство се одбележува Неделата на мајките, па така оваа недела компанијата „Морисонс“ во своите супермаркети отвори каси кои се наменети исклучиво за мајките.

Всушност, на 30 март беа пуштени во употреба 497 каси наменети за мајки со цел да им се олесну купувањето, а покрај тоа за сите мајки компанијата подготви и 50.000 кутии од чоколадото Guylian.

Посебните каси се јасно обележани за да можат мајките лесно да ги пронајдат, додека на самите каси има асистенти кои ќе ги скенираат производите и ќе им помагаат на мајките при паквуањето на производите.

Овие асистенти исто така ќе се погрижат да не бидат заборавени и децата и преку игра за препознавање на поризводите и покажување како функционираат касите ќе се овозможи купувањето да биде што полесно за мајките, соопштуваат од компанијата.

Реалноста е дека многу мајки сè уште ги извршуваат домашните работи како што е неделен шопинг дури и на Денот на мајката - иако тоа треба да биде ден кога тие се во центарот на вниманието! Затоа лансиравме каси за мајки во нашите продавници, за да им дадеме малку нешто на нивниот посебен ден, изјави Герет Лојд, директор за маркетинг настани во „Морисонс“.

Извор: InStore

Фото: „Морисонс“