Холандија: Забраната за продажба на тутунот негативно влијае врз продажбата на „Џамбо“

Групацијата „Џамбо“ оствари вкупен промет од 10,72 милијарди евра во финансиската 2024 година, што е намалување од 2,7% во однос на 2023 година.

Супермаркетите „Џамбо“ остварија промет од 10,64 милијарди евра, што претставува намалување од 2,3% во однос на една година претходно. Овој пад, според компанијата, во целост е предизвикан од прекинот на продажбата на тутунот од 1 јули 2024 година, што резултираше со загуба од 400 милиони евра.

Остриот пад во втората половина од годината поради забраната за тутун беше делумно неутрализиран со растот на пазарниот удел благодарение на зголемувањето на бројот на базичните купувачи и поголемата потрошувачка по трансакција.

Пазарниот удел на супермаркетите „Џамбо“ во Холандија падна од 21% на приближно 20,5% во 2024 година. Бројот на продавници во Холандија е намален за три во 2024 година, од 692 на 689.

Независноста на брендот La Place во средината на 2024 година, исто така, имаше негативен ефект врз приходите на групацијата од 50 милиони евра.

Во текот на 2024 година, продолжија предизвикувачките пазарни услови, со континуиран раст на трошоците и притисок врз маржите, но сепак сме задоволни со нашите резултати и перформанси. Посветената работа во последниве години за зајакнување на основите сега обезбедува солидна основа за понатамошен раст. Фактот дека задоволството на нашите купувачи дополнително се зголеми во текот на изминатата година, и во продавниците и на интернет, како и зголемувањето на бројот на базичните купувачи и просечното трошење по трансакција, ни дава доверба дека одиме во вистинската насока, изјави Тон ван Веен, извршен директор на  групацијата „Џамбо фуд“.

Во Белгија, „Џамбо“ повторно го зголеми својот удел на пазарот, со силен органски раст во постоечките продавници од приближно 7% (во споредба со растот на пазарот во Белгија од околу 1%), како и отворање на четири нови продавници, вклучувајќи го и првиот белгиски „Џамбо Фудмаркт“ .

Извор: InStore.rs

Фото: „Џамбо“