Јапонија: Расте финансиската задолженост кај граѓаните

Правните експерти од Јапонија предупредуваат дека расте бројот на граѓаните кои имаат проблеми со финансиска презадолженост и се погодени од зголемувањето на каматните стапки и порастот на трошоците за живеење.

Бројот на потрошувачки кредити расте со најбрза стапка во последните 16 години, а задолжувањето на домаќинствата за прв пат ги надмина приходите минатата година, пренесува „Блумберг“.

Владините претставници се загрижени дека многу луѓе кои се навикнати на екстремно ниски каматни стапки ќе се борат со зголемените долгови.

Иако Јапонија не е единствената земја чии граѓани се соочуваат со проблемот на презадолженост, експертите потсетуваат дека јапонските плати се најниски меѓу земјите од групата на држави од Г7.

Во исто време, Централната банка на Јапонија ги зголемува трошоците за задолжување, односно каматните стапки, а адвокатите проценуваат дека личните банкротирања, кои се веќе на највисоко ниво од пандемијата, ќе достигнат рекорден број.

Извор: biznis.rs

Фото: Pexels