„Рема 1000“ презема 114 продавници на „Алди“

Данските регулатори за заштита на конкуренција го одобрија преземањето на 114 продавници на „Алди“ од страна на „Рема 1000“.

Дисконтерот минатата година објави дека ја напушта Данска по 45 години работење во земјата и оти ќе ги продаде продавниците на „Рема 1000“.

Стекнувањето на овие продавници е пресвртница за нас и ја илустрира силата на нашиот бизнис-модел, рече Оле Роберт Рајтан, извршен директор на „Рајтан ритеил“, чиј дел е и „Рема 1000“. Тој додаде дека аквизицијата ќе ја зајакне постојната мрежа на продавници и ќе придонесе за нејзиниот пораст и зголемување на пазарниот удел.

Од 114 продавници, 5 ќе преземе малопродажниот синџир „Дагрофа“ и уште две, кои ќе работат брендирани како „Рема 1000“.