„Реве“ престана да печати летоци

Почнувајќи од 1 јули, групацијата „Реве“ престана да печати летоци и наместо тоа го прошири своето огласување преку новите медиумски формати.

Досега, компанијата печатеше по околу 25 милиони брошури секоја недела. 

Многумина сметаат дека оваа наша одлука е ризична. Хартиената брошура со децении беше најважниот огласен медиум во индустријата. Но, кога станува збор за одржливоста, можеме да се подобриме само ако се преиспитаме и покажеме храброст. Со нашите нови дигитални понуди, не само што попрецизно доаѓаме до купувачот, туку доаѓаме и на поодржлив начин, изјави Петер Мали, член на Извршниот одбор на „Реве груп“. 

Притоа, компанијата претстави нова опција на добивање огласи на телефон преку „Ватсап“, на интернет страницата на трговецот и на неговата апликација. 

Овој потег ќе резултира со заштеда на повеќе од 73.000 тони CO2, 1,1 милион тони вода и 380 милиони киловат часови годишно.

Извор: Poslovni
Фото: REWE