„Монделез“ ги зголеми цените на производите

Сопственикот на брендот Oreo ги зголеми цените по успешниот трет квартал, во кој забележа пораст на приходите од 8%.

Повисоките трошоци за суровини и за транспорт се наведени како клучен двигател за компензација на цените.

Американскиот конгломерат објави дека приходите се зголемиле за повеќе од 8% заклучно до септември годинава, а неговиот извршен директор – Дирк ван де Пут, изјави дека луѓето едноставно не можат да живеат без чоколадо.

Во Европа, „Монделез“ забележа пад од 211 милиони долари на приспособениот бруто-профит, но и покрај тоа, компанијата сега очекува повеќе од 10% пораст на органскиот нето-приход, во споредба со првичните изгледи од 8%.